Робиъул-аввал ойининг 27-куни
- Ҳижрий 469-йил 27-робиъул-аввал куни (милодий 1076-йил 30-октябр) Андалуснинг энг буюк тарихчиси ва “Ал-муқтабис мин анба аҳлил-андалус”, “Ал-матин” китоби муаллифи Абу Марвон ибн Ҳайён ибн Халаф ибн Ҳусайн вафот этди.
- Ҳижрий 699-йил 27-робиъул-аввал куни (милодий 1299-йил 22-декабр) Илхония давлати султони Маҳмуд Ғозон билан Мамолик давлати султони Носир Қоловон ўртасида Ҳимснинг шарқий қисми “Маржул-муруж” деган жойда жанг бўлиб ўтди. Бу жангда Ғозон жангчиларининг қўли баланд келди ва сон жиҳатдан кўплиги сабаб, султон Носир жангчиларини ер тишлатди.
- Ҳижрий 1304-йил 27-робиъул-аввал куни (милодий 1886-йил 25-декабр) Мисрда катта ислоҳотлар олиб борган, хусусан аёлларнинг исломий таълим тарбиясига катта ҳисса қўшган ёзувчи адабиётшунос олима Малик Ҳафний Носиф хоним таваллуд топди.
Пайғамбар алайҳиссалом ўн икки ёшга кирганларида амакилари Шомга сафарга отланди. Энг яқин кишисидан айрилиш Расулуллоҳга қаттиқ таъсир қилиб, маъюсланиб қолгандилар. Бундан юраги эзилган Абу Толиб болани бирга олиб кетишга жазм этди. Улар Шомда узоқ туришмади. Орқага қайтишаётганда Сурия билан Арабистон сарҳадига жойлашган Бусро кентига қўниб, яҳудийларнйнг уламоларидан бири роҳиб Баҳойро билан учрашишди. Баҳойро яҳудийларнинг муқаддас китобида зикр этилган, шу замонда араблар орасидан чиқадиган пайғамбар ҳақида сўраб-суриштирди. Карвондагилар бир овоздан ҳали ундай Зот дунёга келмаганини айтишди. Яҳудий ва насоролар Муҳаммад алайҳиссаломнинг дунёга келишларини, араблардан пайғамбар етишиб чиқиши мумкинлигини жон-жаҳдлари билан рад этишарди. «Улар аввал эътироф қилган пайғамбар дунёга келганда уни инкор этишди. Аллоҳ кофирларни раҳматидан дариғ тутади» (Бақара сурасидан).
