Робиъул-аввал ойининг 26-кун
Ҳижрий 1369-йил 26-робиъул аввал куни (милодий 1950-йил 15-январ) мусулмон араб оламида Физика фани олимларидан бири Али Мустафо Мушрифа 52 ёшида вафот этди.
Ўтган сатрларда Пайғамбар соллаллоҳу алайҳи васаллам ҳали Мадинаи Мунавварага етиб келмай туриб, Қубо масжидини қурганлари, етиб келгандан кейин эса Масжиди Набавийни қуришни бошлаганлари зикр қилинди. Бу ҳар бир Ислом жамиятида масжид қанчалик муҳим ўрин тутишига далолат қилади. Расулуллоҳ соллаллоҳу алайҳи васаллам Абу Айюб ал-Ансорийнинг уйида етти-саккиз ой истиқомат қилдилар. Масжидлари ва унинг ёнидаги ҳужралари битгандан кейин ўша ёққа кўчиб ўтдилар. Пайғамбар соллаллоҳу алайҳи васаллам ҳижрат қилиб келгунларича Мадина шаҳри «Ясриб» деб аталар эди. «Ясриб» арабчада «ёмонлик» маъносини англатади. Шунинг учун Расулуллоҳ соллаллоҳу алайҳи васаллам шаҳарнинг номини «Мадина» деб атадилар.
