Оилаларининг ҳижрати

 

Пайғамбар алайҳиссалом бола-чақаларини олиб келишга Зайд ибн Ҳориса билан Абу Рофиъни Маккага юбордилар. Абдуллоҳ ибн Урайқид уларга йўл бошловчи бўлди. Улар Расулуллоҳнинг қизлари Фотима, Умму Кулсум ва жуфти ҳалоллари Савда, Зайд ибн Ҳорисанинг хотини Умму Айман билан ўғли Усомани олиб келишди. Пайғамбар алайҳиссаломнинг қизи Зайнаб эри Абул Ос ибн Рабиъ рухсат бермагани учун Маккада қолди. Абу Бакрнинг умр йўлдоши Умму Румон, ўғли Абдуллоҳ, қизи Оиша ва Асмони олиб қайтди. Асмо ҳомиладор бўлиб, Мадинада кўзи ёриди. Абдуллоҳ муҳожирлар орасида туғилган биринчи чақалоқ эди.