Кисрога йўлланган мактуб

3 йил аввал 2341 siyrat.uz

 

Пайғамбар алайҳиссалом Эрон подшоси Кисрога Абдуллоҳ ибн Ҳузофа Саҳмий орқали қуйидаги мактубни юбордилар.

«Бисмиллаҳир роҳманир роҳим. Аллоҳнинг элчиси Муҳаммаддан Эроннинг каттаси Кисрога!

Тўғри йўлга эргашиб Аллоҳга ва Аллоҳнинг элчисига иймон келтирган, Аллоҳдан бошқа илоҳ йўқ, у шериги йўқ Зотдир, Муҳаммад Аллоҳнинг бандаси ва элчиси, деб шаҳодат берган кишиларга салом.

Мен сени мусулмон бўлишга даъват этаман. Мен Аллоҳ томонидан бутун инсониятга юборилган Пайғамбарман. Мен тирик одамларни огоҳлантираман, сўзимни инкор этганларни Аллоҳнинг азобига учрайди, деб қўрқитаман. Мусулмон бўлсанг, жонинг омонда. Агар бош тортсанг, барча маъжусий*ларнинг гуноҳи сенга юкланади.

Кисро мактубга кўз югуртиргач, такаббурлик билан уни йиртиб ташлади. Бу хабар Пайғамбар алайҳиссаломга етиб борганда у киши: «Аллоҳ унинг подшоҳлигини яксон қилсин», дея дуо қилдилар. Чиндан ҳам кўп ўтмай Эрон подшоҳлиги таназзулга юз тутди. Кисро манманликни ҳаддидан ошириб, Ямандаги ҳокимига Пайғамбар алайҳиссаломни тутиб, ҳузурига олиб келишни буюрди. Бироқ у манфур ниятига етолмади. Ўғли Ширвайҳ отасига қарши бош кўтариб, Кисрони ўлдирди ва у Яманга одам юбориб, ҳокимни отаси буюрган ишдан қайтарди.

_________________

* Маъжусийлар — ўтга топинувчилар.



Мавзуга оид мақолалар
Тарихда бугун
Робиъул-аввал ойининг 17-куни
  • Ҳижрий 950-йил 17-робиъул-аввал куни (милодий 1543-йил 20-июн) Усмонлилар ҳарбий денгиз флоти Барбароса қўмондонлигида Ситсилия ва Италиянинг баъзи қирғоқларини ва Типпер дарёсида жойлашган Остия портини қўлга киритади.
  • Ҳижрий 1110-йил 17-робиъул-аввал куни (милодий 1697-йил 25-май) Усмонлилар ҳарбий денгиз флоти Ўрта ер денгизидаги Медела оролининг жанубида бўлган жангда Винеция ҳарбий денгиз флотини мағлуб этди. Бу жангда 2500га яқин винециялик ҳарбийлар ҳалок бўлди.
 


Китоблар
ИСЛОМ.УЗ ПОРТАЛИНИНГ САЙТЛАРИ