Робиъул-аввал ойининг 27-куни
- Ҳижрий 469-йил 27-робиъул-аввал куни (милодий 1076-йил 30-октябр) Андалуснинг энг буюк тарихчиси ва “Ал-муқтабис мин анба аҳлил-андалус”, “Ал-матин” китоби муаллифи Абу Марвон ибн Ҳайён ибн Халаф ибн Ҳусайн вафот этди.
- Ҳижрий 699-йил 27-робиъул-аввал куни (милодий 1299-йил 22-декабр) Илхония давлати султони Маҳмуд Ғозон билан Мамолик давлати султони Носир Қоловон ўртасида Ҳимснинг шарқий қисми “Маржул-муруж” деган жойда жанг бўлиб ўтди. Бу жангда Ғозон жангчиларининг қўли баланд келди ва сон жиҳатдан кўплиги сабаб, султон Носир жангчиларини ер тишлатди.
- Ҳижрий 1304-йил 27-робиъул-аввал куни (милодий 1886-йил 25-декабр) Мисрда катта ислоҳотлар олиб борган, хусусан аёлларнинг исломий таълим тарбиясига катта ҳисса қўшган ёзувчи адабиётшунос олима Малик Ҳафний Носиф хоним таваллуд топди.
Ибн Исҳоқ: Рабиъа ибн Наср ўтган Туббаъ подшоҳлари каби Яманга подшоҳлик қилган43. Рабиъа бир кечаси даҳшатли туш кўриб, қаттиқ қўрқиб кетди. Мамлакатидаги биронта ҳам фолбин, сеҳргар ва мунажжимларни қолдирмасдан ҳаммаларини ҳузурига чорлади. Уларга: «Мен бир туш кўрдим, ундан жуда қўрқиб кетдим. Сизлар менга шу тушнинг таъбирини айтиб беринглар», деди. Улар: «Тушингизни бизга айтинг, таъбирини айтиб берайлик», дейишди. Подшоҳ: «Агар мен сизларга тушимни айтиб берсам-у, сизлар уни таъбир қилсангизлар, ундан кўнглим тўлмаслиги мумкин. Чунки менинг тушимни айтмасимдан олдин билган одамгина тўғри таъбир қилади», деди. Шунда подшоҳга улар орасидан бир киши: «Агар подшоҳимиз шуни истаётган бўлсалар, Сатиҳ ва Шиққларнинг олдиларига одам юборсинлар, чунки ҳеч ким тушлар таъбирини улардек билолмайди. Шундай қилсалар, улар подшоҳ истагини бажо келтирадилар», деди.
Сатиҳнинг исми Рабиъ ибн Рабиъа ибн Масъуд ибн Мозин ибн Зиъб ибн Адий ибн Мозин ибн Ғассондир.
Шиққ – Саъб ибн Яшкур ибн Руҳм ибн Афрак ибн Қаср ибн Абқар ибн Анмор ибн Низор ўғлидир. Анмор – Бажила ва Хасъамларнинг отасидир.
