Робиъул-аввал ойининг 16-куни
- Ҳижрий 513-йил 16-робиъул-аввал куни (милодий 1119-йил 27-июн) Шом давлатида Элғозий қўмондонлигидаги мусулмонлар билан Антокия амири Рожер қўмондонлигидаги салбчилар ўртасида катта жанг бўлиб ўтди. Бу жангда мусулмонларнинг қўли баланд келди. Салбчилардан катта ададдаги қўшин ҳалок бўлди. Улар орасида Рожер ҳам қатл қилинди. Жангда қурбонлар кўп бўлгани сабаб, бу жанг “Қирғин жанги” деб тарих китобларида ном олди.
- Ҳижрий 1245-йил 16-робиъул-аввал куни (милодий 1829-йил 15-сентябр) Усмонлилар давлати бир йилу тўрт ой лавом этган урушдан сўнг Россия билан шартнома имзолади. Шартнома 18 банддан иборат бўлиб, унда Россияга жарима тўлаш ва Қора денгиз ҳукмронлигини тўлиқ Россияга топшириш кўрсатилган.
Расулуллоҳ соллаллоҳу алайҳи васаллам шаҳри Мадинада жойлашган Ислом оламининг илк масжиди – Қубо тарихий масжиди Саудия Арабистони вақф ва исломий ишлар вазирлиги томонидан қайта қурилади. Мазкур масжидни қайта қуриш лойиҳаси шаҳар ҳокимлиги ва Мадина тараққиёт комиссияси томонидан ўрганиб чиқилмоқда, ҳамда Арабистон вақф ва исломий ишлар вазирлиги томонидан тасдиқланган. Лойиҳа таркибида масжид атрофида усти ёпиқ майдонлар ва стоянкалар қуриш режалари ҳам бор ва бу қайта қуриш ишлари учун 100 миллион Саудия риёли ажратиш кўзда тутилган. Маълумки, Қубо масжиди ҳижрий биринчи йили Пайғамбаримиз Муҳаммад соллаллоҳу алайҳи васаллам бошчиликларида қурилган эди. Ўтган йиллар давомида бу масжид бир неча бор қайта қурилган. Қайта қуриш ишлари илк бор Усмоний султонлар даврида ва сўнгги бор ҳижрий 1405 (мил. 1985) йил амалга оширилган.
