«Қалбимиз, ҳаётимиз Сиз ила, ё Расулаллоҳ!» (2-тадбир)

9 ой аввал 2206 siyrat.uz

Муҳаммад алайҳиссаломни Ўзига ҳабиб этиб танлаган, оламларга раҳмат айлаган, пайғамбарларнинг афзали этиб сайлаган Роббимиз Аллоҳ субҳонаҳу ва таолога ҳамду саноларимиз бўлсин! Икки олам сарвари, нубувват осмонининг шамси анвари, ҳақиқатлар меҳвари, охир замон пайғамбари Муҳаммад соллаллоҳу алайҳи васалламга дуруд ва салавотларимиз бўлсин!
Ислом фидокорлари, уммат ифтихорлари фусункорлари, башарият ахёрлари, Расулуллоҳнинг дўсту ёрлари ‒ олу асҳобларига Аллоҳнинг ризоси ва раҳмати бўлсин! Бугун «Ҳилол-нашр» нашриёт-матбаасида «Қалбимиз ва ҳаётимиз Сиз ила, ё Расулаллоҳ!» шиори остидаги навбатдаги илмий-маърифий мавлид анжумани бўлиб ўтди. Анжуман Қуръони карим тиловати ва дуолар билан бошлангач, «Мирза Юсуф» жомеъ масжиди имом-хатиби Раҳматуллоҳ қори Сайфуддин анжуман ташкилотчилари, қатнашчилари ва меҳмонларни табриклаб, сўнг Расулуллоҳ соллаллоҳу алайҳи васалламнинг оилавий тотувликдаги ибратлари мавзусида маъруза қилдилар. Маърузадан сўнг юртимизнинг машҳур, пешқадам қорилари Расулуллоҳ соллаллоҳу алайҳи васалламга чексиз муҳаббат ва таъзим ила йўғрилган нашидалардан ижро этиб, мажлисга ўзгача шукуҳ файз бахш этдилар. Шундан сўнг ушбу нашидалардаги маънога уйғун равишда arabic.uz сайти ходими, «Гранд таълим» ўқув марказининг мударриси Анвар Аҳмад Расулуллоҳ соллаллоҳу алайҳи васалламга бўлган муҳаббат, у зотни кўришга иштиёқ ҳамда у зотни таниш, маърифат ҳосил қилишнинг аҳамияти ҳақида суҳбат қилиб бердилар. Суҳбатдан сўнг «Минор» жомеъ масжиди имом ноиби Абдулбосит қори Бадриддин «Ҳилол-нашр» нашриёт-матбааси ҳамда Ислом.уз портали жамоаси томонидан ўқилган хатми Қуръонни ниҳоясига етказиб бердилар. Анжуман «Тинчлик» жомеъ масжиди имом-хатиби Алишер Дўнгбоевнинг хатми Қуръон дуоси билан якунланди.



Мавзуга оид мақолалар
Тарихда бугун
Робиъул-аввал ойининг 17-куни
  • Ҳижрий 950-йил 17-робиъул-аввал куни (милодий 1543-йил 20-июн) Усмонлилар ҳарбий денгиз флоти Барбароса қўмондонлигида Ситсилия ва Италиянинг баъзи қирғоқларини ва Типпер дарёсида жойлашган Остия портини қўлга киритади.
  • Ҳижрий 1110-йил 17-робиъул-аввал куни (милодий 1697-йил 25-май) Усмонлилар ҳарбий денгиз флоти Ўрта ер денгизидаги Медела оролининг жанубида бўлган жангда Винеция ҳарбий денгиз флотини мағлуб этди. Бу жангда 2500га яқин винециялик ҳарбийлар ҳалок бўлди.
 


Китоблар
ИСЛОМ.УЗ ПОРТАЛИНИНГ САЙТЛАРИ