Робиъул-аввал ойининг 27-куни
- Ҳижрий 469-йил 27-робиъул-аввал куни (милодий 1076-йил 30-октябр) Андалуснинг энг буюк тарихчиси ва “Ал-муқтабис мин анба аҳлил-андалус”, “Ал-матин” китоби муаллифи Абу Марвон ибн Ҳайён ибн Халаф ибн Ҳусайн вафот этди.
- Ҳижрий 699-йил 27-робиъул-аввал куни (милодий 1299-йил 22-декабр) Илхония давлати султони Маҳмуд Ғозон билан Мамолик давлати султони Носир Қоловон ўртасида Ҳимснинг шарқий қисми “Маржул-муруж” деган жойда жанг бўлиб ўтди. Бу жангда Ғозон жангчиларининг қўли баланд келди ва сон жиҳатдан кўплиги сабаб, султон Носир жангчиларини ер тишлатди.
- Ҳижрий 1304-йил 27-робиъул-аввал куни (милодий 1886-йил 25-декабр) Мисрда катта ислоҳотлар олиб борган, хусусан аёлларнинг исломий таълим тарбиясига катта ҳисса қўшган ёзувчи адабиётшунос олима Малик Ҳафний Носиф хоним таваллуд топди.
«Унинг қавмидан куфр келтирган зодагонлар: «Албатта, биз сени эсипастликда кўриб турибмиз ва албатта, биз сени ёлғончилардан деб биламиз», – дедилар» («Аъроф» сураси, 66-оят).
Бу жоҳил қавм олдингилардан ҳам ўтиб тушди. Аввалгилари Нуҳ алайҳиссаломга: «Сен залолатдасан», деган эдилар. Булар эса ўз пайғамбарларига:
«Албатта, биз сени эсипастликда кўриб турибмиз ва албатта, биз сени ёлғончилардан деб биламиз», дейишмоқда.
Бу золим қавм Аллоҳнинг Пайғамбарига «Сен албатта эсипастсан» ва «Сен албатта, ёлғончисан», демоқда.
Бу чиркин туҳмат ҳам аввалгиси каби жамики пайғамбарларга ва уларнинг изидан юрган бутун мўминларга нисбатан давом этиб келаётган энг ёвуз ғаразлардандир.
«Ҳадис ва Ҳаёт. 20-жуз. Анбиёлар қиссаси» китобидан
