5 шаввол 1446
Омина онамизнинг дояси
 

Пайғамбаримизга бўлган муҳаббат туфайли у зотнинг атрофларида турган ҳар бир кишини билгимиз, танигимиз келади. Хўш, Расулуллоҳ соллаллоҳу алайҳи васаллам туғилаётганларида Омина онамизга ким доялик қилган эди?

 Айрим ривоятларда Исо алайҳиссаломнинг оналари покдомон Марям билан золим Фиръавннинг қўлида Мусо алайҳиссаломни улғайтирган Осиёдек мукаррама зотларнинг ҳозир бўлганлари айтилган. Аммо «Марям ва Осиё оналаримизнинг Расулуллоҳ соллаллоҳу алайҳи васаллам туғилаётган пайтда ҳозир бўлганлари» ҳақидаги ривоятни имом Суютий «Ал-хасоисул кубро» китобида (1/47): «Жуда ҳам мункар», деган.

Ҳақ гап эса Омина онамизга Шифо розияллоҳу анҳонинг доялик қилганларидир.[1] Онасининг исми Салмо, эрининг исми Авф, ўғиллари Абдураҳмон розияллоҳу анҳу ва Асвад розияллоҳу анҳу, қизи Отика розияллоҳу анҳолардир[2].

Оламлар сарварининг ёруғ дунёга ташрифида истиқболларига чиққан, бўлажак Пайғамбарни илк кутиб олиш шарафига муяссар бўлган Шифо бинти Авф розияллоҳу анҳони Аллоҳ таоло кейинчалик ҳам кўп яхшиликлар ила сийлади. Шифо ҳақ дин келганида уни қабул этди, байъатда қатнашди, бошқа мусулмонлар қаторида ҳижрат қилди, Расулуллоҳ соллаллоҳу алайҳи васаллам ҳаётлик даврларида вафот этди ва ўғли Абдураҳмон ибн Авф розияллоҳу анҳу жаннати эканига башорат олди. Пайғамбаримизнинг, айтиш жоиз бўлса, динимизнинг дояси бўлган Шифодан, унинг қилган хизматларидан Аллоҳ рози бўлсин.

Абдул Азим ЗИЁУДДИН


[1] Ибн Касир, «Ал-бидоя ван ниҳоя» (2/264), «Ас-сийратун набавия» (1/207); Шайх Муҳаммад Хузарий, «Нурул яқин фи сийрати саййидил мурсалин» (1/5); Шайх Али ибн Нойиф Шаҳҳуд, «Мавсуъатул хутабил минбария» (2/107); Муаррих Ҳасан ибн Умар, «Ал-муқтафо мин сийратил мустафо» (1/3); Муҳаммад ибн Юсуф Шомий, «Субулул ҳудо вар рашод фи сийрати хойрил ъибод» (1/341); Саййид Маҳмуд Тарозий (Олтинхонтўра), «Нурул басар»; Ҳасан ибн Муҳаммад Машшот, «Иноратуд дужо фи мағозий хойрил варо» (2/75); Иброҳим Ибёрий, «Ал-мавсуъатул Қуръония» (1/25).

[2] Муҳаммад ибн Саъд, «Ат-Табақотул-кубро» (8/248).

 
08:05 / 13.11.2017
Аввалги мақола
Сафар ойининг 30-куни
Кейинги мақола
Тадқиқот
Суннат ва саломатлик (Хатна)
Хатна қилиш: الختان  “Хатна” араб тилидаги  "خَتَنَ" калимасидан олинган бўлиб, “хатна қилмоқ”, “кесмоқ” деган маънони билдиради. Ибн Ҳажар раҳматуллоҳи...
06:34 / 27.06.2020 Батафсил...
Тадқиқот
Суннат ва саломатлик
Бурунга сув олиб ювиш; استنشاق الماء Бурунга сув олиб ювиш фитрат суннатлари ҳақидаги ҳадисда ва бошқа ҳадисларда ҳам кўп таъкидланган. Абу Ҳурайра розияллоҳу анҳудан ривоят қилинади. Набий соллалло...
23:39 / 25.12.2017 Батафсил...
Тадқиқот
Поклик - иймондандир
   Набий соллаллоҳу алайҳи васаллам умматларининг жисмонан ва руҳан покланишлари ва икки дунё саодатига эришишларига сабаб бўладиган барча жиҳатларни баён қилганлар. У зот Ғарбликлар “...
00:24 / 27.06.2020 Батафсил...
Тадқиқот
Омина онамизнинг дояси
  Пайғамбаримизга бўлган муҳаббат туфайли у зотнинг атрофларида турган ҳар бир кишини билгимиз, танигимиз келади. Хўш, Расулуллоҳ соллаллоҳу алайҳи васаллам туғилаётганларида Омина онамизга ким...
08:05 / 13.11.2017 Батафсил...