Расулуллоҳ соллаллоҳу алайҳи васаллам эр сифатида ва оилавийи ҳаётдаги услублари  

3 йил аввал 2353 Абдулазиз Усмон

 Набий соллаллоҳу алайҳи васалламнинг оилавийи ҳаётларини ўрганган киши «Аёлларингиз билан яхшилик ила яшанг»[1] оятининг амалий кўринишига гувоҳ бўлиши мумкин.

Оилада учраб турадиган муаммо ва бошқа оилавий масалаларда у зотнинг эр, оила бошлиғи сифатидаги ҳаётларининг барча бўғини мана шу оят асосида ҳаракатланар эди.

Ҳатто у зот соллаллоҳу алайҳи васаллам жамиятдаги, нафақат жамият балки, оламлар Роббиси ҳузуридаги энг яхши инсон бўлишда юқоридаги оятни асосий мезон қилиб олдилар.

Киши аёлига яхши муомила қилиб у билан меҳр-оқибат ила яшамагунича афзаллик мақомига ҳаргиз эриша олмайди. Чунки аёл катта бир жамият биносининг биринчи ғишти ҳисобланади. Ким биринчи ғишт ила чиройли муомила қила олмаса, уни моҳир қурувчи Зот Аллоҳ айтгандек ўрнатмаса, келажакда орзу қилган биносини рисоладагидек битказа олмайди. Ундай бинонинг жамиятга кераги бўлмайди.

Имом Термизий раҳматуллоҳи алайҳ ривоят қилган ҳадисда Пайғамбаримиз соллаллоҳу алайҳи васаллам афзаллик мақомига эриштирувчи асосий омилни баён қилиб шундай дедилар:

عَنْ عَائِشَةَ، قَالَتْ: قَالَ رَسُولُ اللَّهِ صَلَّى اللَّهُ عَلَيْهِ وَسَلَّمَ: «خَيْرُكُمْ خَيْرُكُمْ لِأَهْلِهِ وَأَنَا خَيْرُكُمْ لِأَهْلِي،

Оиша розияллоҳу анҳодан:

«Расулуллоҳ соллаллоҳу алайҳи васаллам: «Сизларнинг яхшиларингиз, аҳли оиласига яхшилик қиладиганларингиздир. Мен сизларнинг ичингизда аҳлига яхшилик қилишда энг яхшингизман», дедилар»[2].

Аллоҳнинг ҳузурида энг яхши банда бўлиш, аҳли-аёлига яхшилик қилишга боғлиқ экан, аёлларимизга яхшилик қилиш борасида Аллоҳ айтгандек шариат кўрсатмасига мувофиқ амал қилишимиз учун Пайғамбаримиз соллаллоҳу алайҳи васаллам эрлик ва уй бошлиғи жиҳатларини ўрганиб чиқишимиз керак бўлади.

Пайғамбаримиз соллаллоҳу алайҳи васаллам оналаримиз билан қандай муомила қилганлар, оилада учраб турадиган баъзи муаммоларни қайндай ҳал қилганлар ва аҳилларини ҳам дунё ва ҳам охират саодатига етаклайдиган таълимларни қандай берганлар? Буларнинг барчасини у зотнинг муборак ҳаётларига назар ташлаш орқали билиб оламиз.

Давоми бор....

Абдулазиз Мансурхўжа

 



[1] Нисо сураси, 19.

[2] Имом Термизий ривояти




Мавзуга оид мақолалар
Тарихда бугун
Робиъул-аввал ойининг 17-куни
  • Ҳижрий 950-йил 17-робиъул-аввал куни (милодий 1543-йил 20-июн) Усмонлилар ҳарбий денгиз флоти Барбароса қўмондонлигида Ситсилия ва Италиянинг баъзи қирғоқларини ва Типпер дарёсида жойлашган Остия портини қўлга киритади.
  • Ҳижрий 1110-йил 17-робиъул-аввал куни (милодий 1697-йил 25-май) Усмонлилар ҳарбий денгиз флоти Ўрта ер денгизидаги Медела оролининг жанубида бўлган жангда Винеция ҳарбий денгиз флотини мағлуб этди. Бу жангда 2500га яқин винециялик ҳарбийлар ҳалок бўлди.
 


Китоблар
ИСЛОМ.УЗ ПОРТАЛИНИНГ САЙТЛАРИ