Робиъул-аввал ойининг 14-куни
- Ҳижрий 3-йил, 14-рабиъул аввал куни (милодий 624-йил 3-сентябр) Каъб ибн Ашраф ўлдирилди (у она тарафдан яҳудий бўлиб, Бани Назир яҳудийлари бошлиқларидан бири эди. Ислом дини ва мусулмонларга адовати чексиз, Расулуллоҳ соллаллоҳу алайҳи васалламга озори кучли, у Зотга қарши уруш қилишга энг кўп чақирувчи ва фитначи бўлган).
- Ҳижрий 64-йил 14-робиъул-аввал куни Язид ибн Абдулмалик вафот этди.
حَدَّثَنَا مَحْمُودُ بْنُ غَيْلانَ، قَالَ: حَدَّثَنَا أَبُو دَاوُدَ، قَالَ: حَدَّثَنَا شُعْبَةُ، عَنْ يَزِيدَ الرِّشْكِ، قَالَ: سَمِعْتُ مُعَاذَةَ، قَالَتْ: قُلْتُ لِعَائِشَةَ: أَكَانَ رَسُولُ اللهِ صلى الله عليه وسلم، يَصُومُ ثَلاثَةَ أَيَّامٍ مِنْ كُلِّ شَهْرٍ ؟ قَالَتْ: نَعَمْ قُلْتُ: مِنْ أَيِّهِ كَانَ يَصُومُ ؟ قَالَتْ: كَانَ لا يُبَالِي مِنْ أَيِّهِ صَامَ
Муоза розияллоҳу анҳо айтади:
«Оиша розияллоҳу анҳога: «Расулуллоҳ соллоллоҳу алайҳи васаллам ҳар ойдан уч кун рўза тутармидилар?», дедим. У: «Ҳа», деди. Мен: «Ойнинг қайси кунлари рўза тутар эдилар?», дедим. У: «Қайси кун бўлишига эътибор бермасдан рўза тутар эдилар», деди».
حَدَّثَنَا هَارُونُ بْنُ إِسْحَاقَ الْهَمْدَانِيُّ، قَالَ: حَدَّثَنَا عَبْدَةُ بْنُ سُلَيْمَانَ، عَنْ هِشَامِ بْنِ عُرْوَةَ، عَنْ أَبِيهِ، عَنْ عَائِشَةَ، قَالَتْ: كَانَ عَاشُورَاءُ يَوْمًا تَصُومُهُ قُرَيْشٌ فِي الْجَاهِلِيَّةِ، وَكَانَ رَسُولُ اللهِ صلى الله عليه وسلم يَصُومُهُ، فَلَمَّا قَدِمَ الْمَدِينَةَ صَامَهُ وَأَمَرَ بِصِيَامِهِ، فَلَمَّا افْتُرِضَ رَمَضَانُ كَانَ رَمَضَانُ هُوَ الْفَرِيضَةُ وَتُرِكَ عَاشُورَاءُ، فَمَنْ شَاءَ صَامَهُ وَمَنْ شَاءَ تَرَكَهُ
Оиша розияллоҳу анҳодан ривоят қилинади:
«Ашуро шундай кун эдики, Қурайш жоҳилиятда бу кунда рўза тутарди. Расулуллоҳ соллоллоҳу алайҳи васаллам ҳам бу куннинг рўзасини тутар эдилар. Мадинага келгач ҳам бу куннинг рўзасини тутдилар ва рўзасини тутишга бошқаларни ҳам буюрдилар. Рамазон фарз қилингач, фарз рўза фақатгина у бўлди ва ашуро тарк қилинди. Шунда хоҳлаган киши ашуронинг рўзасини тутар, хоҳлаган киши тарк қиларди».
«Шамоил Муҳаммадий» китобидан
Абдулазиз Усмон таржимаси
