Робиъул-аввал ойининг 26-кун
Ҳижрий 1369-йил 26-робиъул аввал куни (милодий 1950-йил 15-январ) мусулмон араб оламида Физика фани олимларидан бири Али Мустафо Мушрифа 52 ёшида вафот этди.
Мисрда Пайғамбаримиз Муҳаммад соллаллоҳу алайҳи васалламнинг сийрат (ҳаёт йўл)ларини ёритиб берувчи янги фазовий телеканал ишга тушди.
«Ассалому алайка, эй Пайғамбар!» (السلام عليك أيها النبي) деб номланган ушбу телеканал Пайғамбаримиз соллаллоҳу алайҳи васалламнинг сийратлари билан яқиндан танишишга ёрдам беради.
Бу телеканал интернет тармоқларида пайдо бўлган ва Ислом оламининг қаҳр-ғазабини қўзғаган ҳажвий филмга жавобан ташкил этилди.
Телеканал раҳбари Носир ибн Мусаффар Заҳроний агентликка берган интервюсида: «Телеканал дастурлари Қуръони карим оятлари ва Расулуллоҳ соллаллоҳу алайҳи васалламнинг ҳадиси шарифлари асосида тайёрланади», деб хабар берди.
Унинг сўзларига кўра, телеканал Пайғамбаримиз Муҳаммад соллаллоҳу алайҳи васалламнинг юксак одоб-ахлоқ эгаси бўлганларини дўсту душманга баён қилишга хизмат қилади.
М.Хотамий
