Расулуллоҳ йигирма беш ёшга кирганларида Хадижа бинти Ҳувайлидга уйландилар. Хадижа онамиз Қурайшнинг саййида хонимларидан бўлмиш фазилатли бир аёл эдилар. Закий ва гўзал ахлоқли, бой хотин эдилар. Аввалги турмуш ўртоқлари Абу Хола вафот этганда Хадижа онамиз қирқ ёшда эдилар. Пайғамбаримиз эса йигирма беш ёшда эдилар. Ҳазрати Хадижа савдо ишлари билан шуғулланар ва у кишига савдони юргизишда шерик керак эди. Қурайшликлар савдогар қавм эди. Пайғамбаримизнинг тўғри сўзли ва ахлоқли бир киши эканлигини эшитган эди. Расулуллоҳ унинг молини савдо мақсадида Шомга олиб борганларида, шубҳасиз, унинг дуруст инсон эканлигига ишонч қозонганди. Бу сафарда ҳазрати Муҳаммаднинг шахсияти бир олийжаноб инсон сифатида намоён бўлганда, қурайшнинг ашрофларидан бир қанчасининг севгилари рад этилган ҳолда, Пайғамбаримизга шахсан ўзи уйланиш таклифини қилган эди. Расулуллоҳнинг вакиллари амакилари ҳазрати Ҳамза бўлдилар. Абу Толиб ҳам бир келишув қилдилар. Шундай қилиб, никоҳга икки тараф ҳам рози бўлдилар. Пайғамбаримизнинг биринчи уйланишлари ҳазрати Хадижа онамиз билан бўлди. Иброҳимдан ташқари, Пайғамбаримизнинг барча фарзандларининг онаси Хадижа онамиз эдилар.
