Давс ва ундан содир бўлган ишларга оид шеър

3 йил аввал 2527 siyrat.uz

 

Юқоридаги ишлар бўлиб ўтгач, Яман аҳлидан бир киши улар бошига Давс олиб келган ҳабашларнинг қилган ишлари хусусидаги мана бу шеърни ўқиди:

Давсдек бесоқолбозлик ҳеч кимсада йўқдир.

Мазкур шеър ҳозирги кунга қадар яманликлар орасида зарбул-масалга айланган. Ҳимяарлик Зу Жадан исмли киши ҳам қуйидаги шеърни айтган:

 

Ўзингни бос, зеро кўз ёшларинг қўлдан кетган нарсаларни ортга қайтара олмас.

Ўлган кимсаларга надомат қилиш билан ўзингни ҳалок этма.

Байнун қўрғони вайрон бўлгач, кўз ёши ва надоматдан не фойда?

Силҳин қўрғони ўрнига одамлар энди уйлар қуришар экан.

Шеърда зикр қилинган «Байнун», «Силҳин», «Ғумдон»лар Ямандаги Арёт томонидан бузиб юборилган қўрғонлар бўлиб, бундай қўрғонлар бошқа жойда мавжуд бўлмаган.

  Зу Жадан ушбу шеърни ҳам айтган экан:

Отанг қурғур, сен менга ҳеч тоқат қилолмайсан.

Аллоҳ сени ҳалок қилмагур, менинг сўлакларимни қуритдинг-ку,

Ашулачи аёллар олдида кайфимиз ошиб қолса,

Энг тоза майдан тўйиб ичган пайтимизда,

Май ичиш менга ор эмас.

Менга дўстим шикоят қилмаса бас.

Чунки ўлим келиб қолса, уни ҳар қандай даво ҳам қайтара олмас,

Анқонинг тухумига тегиб турган устун тепасидаги роҳибнинг дуоси ҳам тўхтата олмас.

Сенга ҳикоя қилинаётган Ғумдон қалъаси энг юксак чўққига монанд баланд қилиб қурилган эди,

У роҳиблар маконида жойлашган бўлиб, унинг остида омборлар бор эди.

Унинг тупроғи энг тоза лойдан эди,

Унда кунжут ёғидан ёқилувчи мойчироқлар нур сочар эди.

Оқшом пайти ялт этувчи яшинлар каби порлар эди.

Унда экилган хурмо дарахтларидаги хом хурмолар ҳам шохларин эгиб, синдиргудек эди.

Энди у кулга айланди ва унинг ҳуснини ўт-алангалар йўқ қилди.

     

Зу Нувос хор бўлгани ҳолда таслим бўлди ва ўз қавмини оғир кунлар бошланажаги ҳақида огоҳлантирди.

Бундан ташқари, Ибн аз-Зиъба ас-Сақафий ҳам бу борада қуйидаги шеърни айтган:

 

Умрингга қасамки, ёшу-кекса учун ҳам ўлим келса, қочиб-қутилишнинг иложи йўқ.

 Ҳимяарнинг қанча қабилалари эрта тонгда қайғули ҳолда йўқ қилиндилар,

Улар ёмғирдан олдинги булутли осмон янглиғ минг-минглаб жангчилар томонидан аёвсиз қириб ташландилар.

Уларнинг қичқириқлари жангчи отларнинг қулоқларини ҳам кар қилиб қўйди,

Улар мисли сеҳргар жинлардек ва устидаги экинни қуритувчи шўр тупроқдек эдилар.

Амр ибн Маъдийкариб аз-Зубайдий ўзи билан Қайс ибн Макшуҳ ал-Муродий ўртасида бўлиб ўтган жанжалдан кейин бу тўғрида қилган пўписасини эшитиб, унга Ҳимяр ва қавмининг қандай азиз эканликларини эслатиб қўйиш мақсадида ушбу шеърни ўқиди:

Менга Зу Руайн ёки Зу Нувослар каби яхши ҳаётни ваъда қиласанми?

Сендан илгари одамлар орасида энг яхши неъматлар ва мустаҳкам мулк эгаси менинг аждодларим бўлган эдилар,

Улар қаҳри қаттиқ ва буюк Од қавмидан илгари ҳам мавжуд эдилар.

Сўнг аста-секинлик билан улар ҳалок бўла бошладилар ва ўз ўринларини бошқаларга бўшатиб бердилар.




Мавзуга оид мақолалар
Тарихда бугун
Робиъул-аввал ойининг 17-куни
  • Ҳижрий 950-йил 17-робиъул-аввал куни (милодий 1543-йил 20-июн) Усмонлилар ҳарбий денгиз флоти Барбароса қўмондонлигида Ситсилия ва Италиянинг баъзи қирғоқларини ва Типпер дарёсида жойлашган Остия портини қўлга киритади.
  • Ҳижрий 1110-йил 17-робиъул-аввал куни (милодий 1697-йил 25-май) Усмонлилар ҳарбий денгиз флоти Ўрта ер денгизидаги Медела оролининг жанубида бўлган жангда Винеция ҳарбий денгиз флотини мағлуб этди. Бу жангда 2500га яқин винециялик ҳарбийлар ҳалок бўлди.
 


Китоблар
ИСЛОМ.УЗ ПОРТАЛИНИНГ САЙТЛАРИ