Робиъул-аввал ойининг 18-куни
- Ҳижрий 227-йил 18-робиъул-аввал куни (милодий 842-йил 5-январ) Аббосийлар давлатининг 8-халифаси Муътасим-Биллаҳ ибн Ҳорун Ар-Рошид вафот этди. Унинг ўрнини ўғли Восиқ-Биллаҳ эгаллади.
- Ҳижрий 665-йил 18-робиъул-аввал куни (милодий 1267-йил 17-декабр) Салоҳиддин давридан бир аср ўтиб, Миср султони Зоҳир Бепрос даврида “Азҳар” жоме масжидида яна жума намози ўқилди.
- Ҳижрий 1342-йил 18-робиъул-аввал куни (милодий 1923-йил 30-октябр) Усмонлилар империяси Республика деб эълон қилинди ва Мустафо Камол Отатурк Туркия Республикаси президенти этиб сайланди. Бу – Иломий давлатнинг буткул йўқ бўлишидан дарак эди.

حَدَّثَنَا مَحْمُودُ بْنُ غَيْلانَ، قَالَ: حَدَّثَنَا أَبُو دَاوُدَ الطَّيَالِسِيُّ، قَالَ: حَدَّثَنَا شُعْبَةُ، عَنْ يَزِيدَ الرِّشْكِ، قَالَ: سَمِعْتُ مُعَاذَةَ، قَالَتْ: قُلْتُ لِعَائِشَةَ: أَكَانَ النَّبِيُّ صلى الله عليه وسلم يُصَلِّي الضُّحَى؟ قَالَتْ: نَعَمْ، أَرْبَعَ رَكَعَاتٍ، وَيَزِيدُ مَا شَاءَ اللَّهُ عَزَّ وَجَلَّ
Муоза розияллоҳу анҳо айтади:
«Оиша розияллоҳу анҳога: «Набий соллоллоҳу алайҳи васаллам Зуҳо намозини ўқирмидилар?», дедим. У киши: «Ҳа. Тўрт ракат, яна Аллоҳ азза важалла хоҳлаганча зиёда қилардилар», деди».
حَدَّثَنَا مُحَمَّدُ بْنُ الْمُثَنَّى، قَالَ: حَدَّثَنِي حَكِيمُ بْنُ مُعَاوِيَةَ الزِّيَادِيُّ، قَالَ: حَدَّثَنَا زِيَادُ بْنُ عُبَيْدِ اللهِ بْنِ الرَّبِيعِ الزِّيَادِيُّ، عَنْ حُمَيْدٍ الطَّوِيلِ، عَنْ أَنَسِ بْنِ مَالِكٍ: أَنَّ النَّبِيَّ صلى الله عليه وسلم، كَانَ يُصَلِّي الضُّحَى سِتَّ رَكَعَاتٍ
Анас ибн Молик розияллоҳу анҳудан ривоят қилинади:
«Набий соллоллоҳу алайҳи васаллам Зуҳо намозини олти ракат ўқир эдилар».
«Шамоил Муҳаммадий» китобидан
Абдулазиз Усмон таржимаси