Ҳижрий 15 йил 16 сафар куни (милдодий 636 йил 29 март) буюк саҳобий Саъд ибн Абу Ваққос мусулмонлар билан бирга форс жангчиларига қарши сўнгги жангга киришдилар ва Аллоҳ таолонинг инояти билан форслар устидан ғалаба қозондилар.

Ҳижрий 984 йил 16 сафар куни (милодий 1576 йил 14 май) Эрон шоҳи Тоҳамсаб ибн Исмоил Сафавий 62 ёшида вафот этди. У тахтни 9 ёшидан бошлаб бошқарган. Унинг вафотидан сўнг тахтга Муҳаммад Худобанда ўтирди.

Ҳижрий 1325 йил 16 сафар куни (милодий 1907 йил 30 июл) Мисрда қозиларни тайёрлаб берадиган исломий мадраса барпо этилди.

Ҳижрий 302 йил (милодий 914 йил) Аббосий халифаси юборган қўшин бошлиғи Зука Аъвар Мисрга кирди. У фотимийлар хавфини Мисрдан қайтариш учун юборилган эди. Чунки улар мағриб (Шимолий Африка)дан кейин Мисрни ҳам ўз назоратига олишга интилаётган эдилар.

Ҳижри 960 йил (милодий 1553 йил) Усмонли давлати Франция билан Истанбул шартномасини имзолади. Унга кўра, Франция қироли Ҳенри 2 Усмонли султонини Европанинг ягона императори сифатида тан олди ва ўз флотини Усмонлилар ихтиёрига топширди. Шунингдек, Франция компания харажатларини тўлай олмаса, флот Усмонлилар ихтиёрида қолиши шарт қилинди.

Ҳижрий 1187 йил (милодий 1773 йил) Миср ҳокими Алий Бек ал Кабир давлатдан ажралиб чиқиш ҳаракатлари чоғида ўз қўмондони ва қизининг турмуш ўртоғи Муҳаммад Бек Абу Заҳаб томонидан Солиҳияда мағлубиятга учради ва қатл қилдирилди.

Ҳижрий 1357 йил (милодий 1938 йил) Италия ва Британия ўртасида шартнома имзоланди. Унга кўра, иккиси ҳам Яман ва Саудия Арабистонининг мустақиллигини тасдиқлади.

Ҳижрий 1393 йил (милодий 1973 йил) Ироқ қўшинлари Ас-Самита чегара назоратига ҳужум қилди. Бу воқеа «Ас-Самита воқеаси» номи билан машҳур.